مقبوضہ بیت المقدس (مرکزاطلاعات فلسطین فاؤنڈیشن) قابض اسرائیلی فوج کی طرف سے فلسطینی نمازیوں کی مسجد اقصیٰ میں داخلے اور وہاں پر عبادت پر عائد غیر انسانی پابندیوں کے باجود ایک لاکھ فلسطینیوں نے گذشتہ شب مسجد اقصیٰ میں عشاء اور تراویح کی نماز ادا کی۔
جمعرات کی شام تقریباً ایک لاکھ فلسطینیوں نے اسرائیلی قابض حکام کی طرف سے عائد پابندیوں کے باوجود بابرکت مسجد الاقصیٰ میں عشاء اور نماز تراویح ادا کی۔ لاکھوں فرزندان توحید رات بھر مسجد اقصیٰ میں عبادت اور دعاؤں میں مصروف رہے۔
القدس میں اسلامی اوقاف کے محکمے نے کہا کہ “قابض حکام کی طرف سے مسلط کی گئی پابندیوں کے باوجود باوجود تقریباً ایک لاکھ فلسطینیوں نے مسجد اقصیٰ کے اندر عشا اور تراویح کی نماز ادا کی”
قابض فوج نے متعدد نوجوانوں کو مسجد اقصیٰ میں نماز ادا کرنے کے لیے داخل ہونے سے روک دیا جب کہ مسلسل مسجد اقصیٰ اور اس کے اطراف میں پابندیاں سخت کی گئی ہیں۔ قابض فوج کی طرف سے مقبوضہ بیت المقدس، غرب اردن سے آنے والے فلسطینیوں اور مقبوضہ شمالی فلسطین کے فلسطینی مسلمانوں کو بھی قبلہ اول تک رسائی سے روک رکھا ہے۔ قابض فوج کی طرف سے پچپن سال کی عمر سے کم عمر کے فلسطینیوں پر مسجد اقصیٰ میں داخلے پر پابندی عاید کرکھی ہے۔اس کے باوجود پابندیاں توڑ کر فلسطینی قبلہ اول میں پہنچنے میں کامیاب ہو رہے ہیں۔
دوسری جانب کل جمعرات کو سیکڑوں یہودی آباد کاروں نے مسجد اقصیٰ میں گھس کر تلمودی تعلیما کے مطابق مذہی رسومات ادا کیں۔اس موقعے پر قابض فوج اور پولیس کی جانب سے انہیں فول پروف سکیورٹی فراہم کی گئی تھی۔
