غزہ (مرکزاطلاعات فلسطین فاؤنڈیشن) فلسطینی وزارت صحت نے غزہ کی پٹی کے ہسپتالوں میں 10 شہداء اور گذشتہ 48 گھنٹوں کے دوران 4 زخمیوں کو ہسپتالوں میں لائے جانے کا اعلان کیا ہے۔شہداء میں سے 7 کو ملبے سے نکالا گیا جب کہ ایک زخمی دم توڑ گیا اور دو نئے فلسطینی اسرائیلی دہشت گردی میں شہید ہوگئے۔
فلسطینی وزارت نے ایک بیان میں تصدیق کی ہے کہ 7 اکتوبر 2023 سے اب تک اسرائیلی جارحیت سے شہید ہونے والوں کی تعداد 48,329 تک پہنچ گئی ہے جب کہ 111,753 زخمی ہوئے ہیں۔
اس نے کہا کہ ملبے کے نیچے اور سڑکوں پر اب بھی متعدد شہداء کی لاشیں موجود ہیں مگر ایمبولینس اور شہری دفاع کا عملہ ان تک نہیں پہنچ سکتا۔
انہوں نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
