غزہ (مرکزاطلاعات فلسطین فاؤنڈیشن) اسرائیلی تحقیقات میں انکشاف ہوا ہے کہ قابض اسرائیلی حکا نے غزہ کی پٹی میں ایک 80 سالہ شخص اور اس کی بیوی کو انسانی ڈھال کے طور پر استعمال کیا اور پھر انہیں موت کے گھاٹ اتار دیا۔
اسرائیلی ڈیجیٹل میگزین “972+” نے ایک رپورٹ بتایا کہ فوجیوں نے بزرگ فلسطینی کے گلے میں دھماکہ خیز مواد سے بھری تار لپیٹ دی اور اسے 8 گھنٹے تک عمارتوں کا جائزہ لینے پر مجبور کیا۔ جب انہوں نے اسے رہا کیا تو فوج کے ایک اور یونٹ نے اس پر فائرنگ کر کے اسے شہید کر دیا۔
اسرائیلی تحقیقاتی میگزین “دی ہوٹسٹ پلیس ان دی ہیل ” کا حوالہ دیتے ہوئے کہا کہ نہال بریگیڈ کے ایک سینئر افسر نے جس کا نام میگزین نے نہیں بتایا کہ اس نے اس شخص کے گلے میں ایک دھماکہ خیز تار لپیٹی تاکہ ان کے لیے انسانی ڈھال بن جائے، اسے حکم دیا کہ وہ خالی مکان کو تلاش کرے۔
اسرائیلی میگزین کے مطابق اس شخص نے اپنا مشن مکمل کرنے کے بعد فوجیوں نے اسے اور اس کی بیوی کو جنوبی غزہ کی پٹی کی طرف بھاگنے کا حکم دیا، لیکن جب ایک اور بٹالین نے انہیں دیکھا، تو انھوں نے ان پر گولی چلا دی، جس سے وہ “فوری طور پر شہید ہو گئے”۔
جائے وقوعہ پر موجود فوجیوں نے بتایا کہ یہ واقعہ گذشتہ مئی میں غزہ شہر کے جنوب مشرق میں واقع زیتون محلے میں پیش آیا تھا۔
تحقیقاتی میگزین نے رپورٹ کیا ہے کہ جب فوجیوں نے اپنے گھر میں بزرگ جوڑے کو دیکھا تو انہوں نے فوجیوں کو بتایا کہ وہ جنوبی غزہ سے بھاگنے میں ناکام رہے ہیں کیونکہ ان کے بچوں کو چلنے میں دشواری تھی۔
ایک اور فوجی نے کہا کہ ان کے کمانڈر نے اس وقت فیصلہ کیا کہ انہیں مچھروں کی طرح استعمال کیا جائے۔ حال ہی میں سامنے آنے والی ایک تحقیق میں بتایا کہ جنگی علاقوں میں فلسطینی شہریوں کو انسانی ڈھال کے طور پر کام کرنے پر مجبور کرتی ہے تاکہ فوجیوں کو گولی لگنے سے بچایا جا سکے۔
فوجیوں نے بتایا کہ بزرگ شخص نے 8 گھنٹے تک اپنا مشن سرانجام دیا۔ پھر اسے اور اس کی اہلیہ کو پیدل جانے اور جنوبی غزہ کی پٹی کی طرف بھاگنے کا حکم دیا گیا۔
ان کی دی گئی شہادتوں کے مطابق میگزین کا دعویٰ ہے کہ فوجیوں نے قریبی اسرائیلی فوجی یونٹوں کو اطلاع نہیں دی تھی۔
یہ واحد واقعہ نہیں جسے میں فلسطینی شہریوں کو انسانی ڈھال کے طور پر استعمال کیا گیا تھا۔ ڈیجیٹل میگزین نے ایک اور واقعے کی اطلاع دی تھی جس میں نہال بریگیڈ نے ایک فلسطینی کو بھی ہلاک کیا تھا جس نے فوجیوں کے ساتھ ایک عمارت میں رہنے کی اجازت حاصل کی تھی۔
