دوحہ (مرکزاطلاعات فلسطین فاؤنڈیشن) اسلامی تحریک مزاحمت (حماس) کے ایک رہنما طاہر النونو نے ہے کہ ان کی جماعت “قیدیوں کے تبادلے کے معاہدے کے طریقہ کار پر معمول کے مطابق عمل درآمد جاری رکھے ہوئے ہے”۔
النونو نے مزید کہا کہ “ثالثوں کی جانب سے جنگ سےتباہ حال پٹی میں خیموں، موبائل گھروں اور بھاری سامان کے داخلے کو بڑھانے کے وعدے کیے گئے ہیں”۔
انہوں نے واضح کیا کہ “جنگ بندی معاہدے کے دوسرے مرحلے کے لیے مذاکرات رواں ہفتے کے اوائل میں شروع ہونے کی امید ہے”۔
غزہ کی پٹی میں سرکاری میڈیا کے دفتر کے سربراہ سلامہ معروف نے جمعے کے روز کہا تھا کہ رفح کراسنگ کے مصری جانب سے کوئی قافلہ یا بھاری سامان یا مشینری پٹی میں داخل نہیں ہوئی۔
معروف نے ایک پریس بیان میں مزید کہا کہ دفتر کو امید ہے کہ “متعلقہ فریقین کی یقین دہانیوں کے مطابق آنے والے گھنٹوں میں بھاری سامان اور خیمے غزہ کی پٹی داخل کرنے کا عمل شروع ہوجائے گا‘۔
