غزہ (مرکزاطلاعات فلسطین فاؤنڈیشن) فلسطینی وزارت صحت نے پیر کے روز بتایا ہے کہ غزہ کی پٹی میں گذشتہ 24 گھنٹوں کے دوران 19 شہداء کی لاشیں اور 15 زخمیوں ہسپتالوں میں لائےگئے۔
وزارت صحت نے بتایا کہ ملبے سے 14شہداء کی لاشیں برآمد کی گئیں۔ دو شہید زخموں کی تاب نہ لاتے ہوئے چل بسے اور تین فلسطینی سوموار کے روز
بم دھماکوں میں شہید ہوئے۔
انہوں نے نشاندہی کی کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
غزہ کی پٹی پر اسرائیلی جارحیت سے 7 اکتوبر 2023 سے اب تک 48,208 شہید اور 111,655 زخمی ہو چکے ہیں۔
غور طلب ہے کہ 19 جنوری کو غزہ کی پٹی میں جنگ بندی کا معاہدہ اور حماس اور اسرائیل کے درمیان قیدیوں کے تبادلے کا آغاز ہوا، جس میں 3 مراحل شامل ہیں۔ ان میں سے ہر مرحلہ 42 دن تک جاری رہے گا
امریکی حمایت سے 7 اکتوبر 2023ء سے 19 جنوری 2025 کے درمیان قابض اسرائیل نے غزہ میں نسل کشی کی، جس میں تقریباً 160,000 فلسطینی شہید اور زخمی ہوئے، جن میں زیادہ تر بچے اور خواتین تھیں اور 14,000 سے زیادہ لاپتہ ہیں۔
