غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے مسلح ونگ القسام بریگیڈز کے فوجی ترجمان ابو عبیدہ نے کہا ہے کہ قابض فوج کی جانب سے غزہ میں جنگ بندی معاہدے کی خلاف ورزی کے بعد قابض قیدیوں کی رہائی کے عمل کو ملتوی کرنے کیا جا رہا ہے۔ ان قیدیوں کو آئندہ ہفتے رہا کیا جانا تھا۔
ابو عبیدہ نے اپنے ٹیلی گرام اکاؤنٹ پر ایک ٹویٹ میں کہا کہ ’’مزاحمتی قیادت نے گذشتہ تین ہفتوں کے دوران دشمن کی خلاف ورزیوں اور معاہدے کی شرائط کی پاسداری میں ناکامی پر نظر رکھی ہے۔ دشمن نے شمالی غزہ کی پٹی میں بے گھر ہونے والوں کی واپسی میں تاخیر کی، انہیں گولہ باری اور فائرنگ کا نشانہ بنایا گیا۔
پٹی کے مختلف علاقوں میں تمام شکلوں میں امدادی سامان لانے میں رکاوٹ ڈالی گئی حالانکہ مزاحمت نے اپنی تمام ذمہ داریوں پر عمل درآمد کیا”۔
انہوں نے مزید کہا کہ “صہیونی قیدیوں کی حوالگی جو اگلے ہفتہ 15 فروری 2025 کو رہا ہونے والے تھے اگلے اطلاع تک ملتوی کر دیے جائیں گے۔ قیدیوں کی رہائی سے قبل دشمن کو معاہدے کی طے شدہ شرائط پر عمل کرنا ہوگا‘۔
ترجمان نے کہ فلسطینی مزاحمت کار جنگ بندی معاہدے کی صرف اسی صورت میں پاسداری کریں گے جب تک صہیونی فوج بھی عمل درآمد کرے گی۔
