غزہ (مرکزاطلاعات فلسطین فاؤنڈیشن) فلسطینی وزارت صحت نے بتایا ہے کہ گذشتہ 24 گھنٹوں کے دوران غزہ کی پٹی کےہسپتالوں میں 12 شہداء کی لاشیں لائی گئؓیں۔ اس طرح نسل کشی کی جنگ شروع ہونے کے بعد غزہ میں شہداء کی تعداد 47 ہزار 552 ہوگئی ہے۔
وزارت نے ایک بیان میں کہا کہ شہداء میں سے 8 کی لاشیں ملبے کے نیچے سے نکالی گئیں جب کہ چار زخمی دم توڑ گئے۔
وزارت صحت نےبتایا کہ ملبے کے نیچے اور سڑکوں پر اب بھی متعدد متاثرین موجود ہیں اور ایمبولینس اور شہری دفاع کا عملہ ان تک نہیں پہنچ سکتا۔
رپورٹ میں بتایا گیا ہے کہ سات اکتوبر 2023ء سے اب تک اسرائیلی جارحیت میں شہادتوں کی تعداد 47,498 ہوگئی ہے۔ جبکہ 111,629 زخمی ہو چکے ہیں۔
وزارت صحت نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
