مقبوضہ بیت المقدس (مرکزاطلاعات فلسطین فاؤنڈیشن) کل سوموار کو یہودی آباد کاروں کے ایک گروپ نے مقبوضہ بیت المقدس کے الشیخ جراح محلے میں اقوام متحدہ کی ریلیف اینڈ ورکس ایجنسی برائے فلسطینی پناہ گزین (انروا) کے ہیڈ کوارٹر پر دھاوا بول دیا۔
مقامی ذرائع نے اطلاع دی ہے کہ آباد کاروں نے ہیڈکوارٹر کے اندر اشتعال انگیز نعروں پر مبنی بینرز لہرائے اور نعرے بازی کی۔
یہ چھاپہ گزشتہ جمعرات کوکنیسٹ کی جانب سے منظور کیے گئے دو قوانین کے نافذ العمل ہونے کے بعد کیا گیا ہے، جن کا مقصد ایجنسی کو مقبوضہ فلسطینی علاقوں بشمول بیت المقدس شہر میں اپنی خدمات فراہم کرنے سے روکنا ہے۔
ان میں سے ایک قانون ’انروا‘ کی سرگرمیوں پر پابندی پر مشتمل ہے۔اس کے دفاتر کو بند کرنا اور کسی بھی قسم کی خدمات کی فراہمی کو روکنا، جب کہ دوسرا قانون بین الاقوامی ایجنسی کے ساتھ کسی بھی قسم کے مواصلات یا تعاون کو منع کرتا ہے۔
یہ اقدام ان دسیوں ہزار پناہ گزینوں کی قسمت کے لیے براہ راست خطرہ ہے جو تعلیم اور صحت کی دیکھ بھال کے شعبوں میں ایجنسی کی خدمات پر انحصار کرتے ہیں۔
