غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے عسکری ونگ القسام بریگیڈز نے جنگ بندی معاہدے کے پہلے مرحلے کے فریم ورک کے اندر چوتھی کھیپ کے حصے کے طور پر آج ہفتے کے روز تین اسرائیلی قیدیوں کو ریڈ کراس کے حوالے کردیا۔
رہا کیے جانے والی قیدیوں میں عوفر کالڈرون اور یارڈن بیباس کو ریڈ کراس کی بین الاقوامی کمیٹی کے حوالے کرنے کا عمل جنوبی غزہ کی پٹی میں خان یونس بندرگاہ کے قریب ہوا، جس میں یہودی بستیوں کے سکیورٹی یونٹوں کے زیر استعمال خصوصی اسرائیلی گاڑی استعمال کی گئی۔ اس گاڑی کو سات اکتوبر 2023ء کو طوفان الاقصی آپریشن میں مال غنیمت میں حاصل کیا گیا تھا۔
جبکہ رہا ہونے والا تیسرا قیدی کیتھ شمونسل سیگل جس کے پاس امریکی شہریت بھی ہے کو غزہ سٹی میں حوالے کیا گیا۔
قابض فوج جنگ بندی معاہدے کے پہلے مرحلے کے فریم ورک کے اندر چوتھے تبادلے کے بیچ کے حصے کے طور پر 183 فلسطینی قیدیوں کو رہا کرنے والی ہیں۔
آج صبح غزہ کی بندرگاہ اور خان یونس میں مختلف فوجی فارمیشنوں سے تعلق رکھنے والے درجنوں القسام کے کارکنوں کو تعینات کیا گیا تھا۔
گذشتہ روز القسام بریگیڈز کے ترجمان ابو عبیدہ نے اس بیچ میں شامل تین قیدیوں کے ناموں کا اعلان کیا، جن کے نام اوفر کالڈرون، کیتھ شمونسل سیگل اور یارڈن بیباس تھے۔
جمعرات کو مزاحمتی دھڑوں نے 110 فلسطینی قیدیوں کے بدلے 3 اسرائیلی قیدیوں، دو خواتین فوجیوں اور ایک بزرگ کو رہا کیا اور 5 تھائی کارکنوں کو بھی رہا کیا تھا۔
قیدیوں میں سے دو کو خان یونس میں اور تیسرے کو جبالیہ پٹی کے شمال میں حوالے کیا گیا۔
قابض صہیونی وزیر اعظم بنجمن نیتن یاہو کے دفتر نے جمعہ کی شام اعلان کیا کہ حکومت کو ان قیدیوں کے ناموں کی فہرست موصول ہو گئی ہے جنہیں فلسطینی مزاحمتی تحریک آج رہا کر دے گی۔
انہوں نے زور دے کر کہا کہ رہائی کا عمل معمول کے مطابق ہو گا، کیونکہ ریڈ کراس قیدیوں کو میٹنگ پوائنٹ اور پھر رعیم کے فوجی اڈے تک لے جائے گا۔ وہاں سے انہیں فوجی ہیلی کاپٹر سے طبی دیکھ بھال کے لیے ہسپتالوں میں منتقل کیا جائے گا۔
حماس سے وابستہ قیدیوں کے میڈیا آفس نے وضاحت کی کہ قابض اسرائیلی جیلوں سے رہائی پانے والے فلسطینیوں کی جو فہرست آج سونپی گئی ہے اس میں نو بیمار قیدیوں میں سے ایک بھی شامل ہے۔
انہوں نے کہا کہ تبادلے کے معاہدے کے چوتھے بیچ کے حصے کے طور پر قابض حکام ہفتہ کو عمر قید کی سزا کے ساتھ 9 قیدیوں اور اعلیٰ سزاؤں کے حامل 81 قیدیوں کو رہا کرے گا۔
