غزہ (مرکزاطلاعات فلسطین فاؤنڈیشن) غزہ شہر کے مغرب میں واقع شاہراہ رشید پر قابض اسرائیلی فوج کے جنگی طیاروں کی بمباری کے نتیجےمیں ایک بلڈوزر آپریٹر شہید اورمتعدد بے گھر افراد زخمی ہوگئے۔
العودہ ہسپتال نے بم دھماکے کے نتیجے میں ایک شہید کی لاش اور متعدد دیگر زخمیوں کے لائے جانے کی اطلاع دی ہے۔ عینی شاہدین کے مطابق قابض فوج نے نصیرات میونسپلٹی سے تعلق رکھنے والے ایک بلڈوزر کو نشانہ بنایا ۔
عینی شاہدین نے بتایا کہ شہید کی شناخت مفید محمد موسیٰ عابد کے نام سے کی گئی ہے۔ مفید کی شہادت اس وقت ہوئی جب قابض فوج نے اس کے بلڈورز پر بمباری کی۔
اسرائیلی فوج کے ترجمان نے ایک بیان میں مزید تفصیلات بتائے بغیر کہا کہ فضائیہ نے غزہ شہر کے مغرب میں شاہراہ رشید میں ایک “ہدف” پر حملہ کیا۔
اس سے قبل پیر کی شام غزہ شہر کے جنوب مغرب میں واقع رشید روڈ پر ایک کار کو نشانہ بنانے کے نتیجے میں ایک 5 سالہ فلسطینی شہید ہوگئی تھی۔
وسطی غزہ کی پٹی میں النصیرات کیمپ کے مغرب میں واقع النوائری بلڈوزر کو بمباری سے نشانہ بنایا جس کے نتیجے میں اس کا آپریٹر مفید محمد موسیٰ عابد
شہید ہوگیا۔
النصیرات کے العودہ ہسپتال نے وضاحت کی کہ ہسپتال پہنچنے والی شہید بچی ندا محمد العمودی شمالی غزہ کی پٹی کے علاقوں کو واپس آنے والے بے گھر افراد کو نشانہ بنانے والے اسرائیلی بمباری کے نتیجے میں دم توڑ گئی تھی۔
