غزہ (مرکزاطلاعات فلسطین فاؤنڈیشن) شمالی غزہ میں جہاں قابض صہیونی فوج نہتےفلسطینیوں کے خلاف جنگی جرائم اور نسل کشی کررہی ہے، دوسری طرف مجاھدین نے دشمن فوج کو ایک بار پھر بھاری جانی نقصان سے دوچار کیا ہے۔
اطلاعات کےمطابق شمالی غزہ میں مجاھدین کے حملے کے نتیجے میں کم سے کم تین اسرائیلی فوجی جھنم واصل ہوئے ہیں جب کہ دس شدید زخمی ہوگئے ہیں۔
عبرانی میڈیا نے پیر کی صبح شمالی غزہ کی پٹی میں ایک “مشکل واقعہ” میں متعدد قابض اسرائیلی افسران اور فوجیوں کے ہلاک اور زخمی ہونے کا اعلان کیا۔
سیٹلر پلیٹ فارمز نے ابتدائی تعداد میں بتایا کہ غزہ کی پٹی کے شمال میں واقع نہال بریگیڈ کی ایک عمارت کے گرنے سے 3 فوجی ہلاک اور 10 زخمی ہو گئے۔
انہوں نے کہا کہ عمارت اس وقت گری جب اس میں دھماکہ ہوا۔ واقعے کے بعد قابض فوج کے ہیلی کاپٹر وہاں اترے جہاں ہلاک اور زخمیوں کو وہاں سے نکالا گیا۔
فلسطینی ذرائع نے شمالی غزہ کی پٹی سے اسرائیلی انخلاء کے طیاروں کو دیکھنے کی تصدیق کی ہے جہاں ایک سو سے زائد دنوں سے اسرائیلی جارحیت جاری ہے۔
گذشتہ ہفتے کے روز قابض اسرائیلی فوج نے 4 اسرائیلی افسروں اور فوجیوں کی ہلاکت کا اعتراف کیا تھا جب کہ آباد کار پلیٹ فارمز نے شمالی غزہ کی پٹی میں مزاحمت کے ساتھ لڑائی میں 7 فوجیوں کی ہلاکت کی بات کی تھی۔
