صنعاء (مرکزاطلاعات فلسطین فاؤنڈیشن) یمن میں دسیوں ہزارشہریوں نے صعدہ، ریمہ اور مرب کی گورنریوں اور امران،مآ رب، تعز، حجہ، ذمار، الجوف اور المحویت کی گورنریوں کے متعدد ڈائریکٹوریٹ میں فلسطینیوں کی حمایت میں نکالے گئے جلوسوں میں شرکت کی۔
کل جمعہ کے روز نکالے گئےجلوسوں کے لیے’فلسطینی عوام کی مزاحمت کی حمایت میں، “جہاد فی سبیل اللہ ، غزہ کی حمایت اور ہم تمام ظالموں کا مقابلہ کریں گے” کا عنوان منتخب کیا گیا تھا۔
یمنی میڈیا نے اطلاع دی ہے کہ صعدہ، ریمہ اور مآرب گورنریوں کے مرکزی اور ذیلی علاقوں کے شہروں اور ڈائریکٹوریٹس میں جمعہ کے روز غزہ کی پٹی کی حمایت اور فلسطینی عوام کی حمایت کرنے والی یمنی مسلح افواج کی کارروائیوں کی حمایت میں 130 سے زیادہ جلوس نکالے گئے۔
الاقصیٰ سپورٹ کمیٹی نےملین مین مارچ کے لیے ریما گورنری میں 86 دیگر چوکوں کے علاوہ 35 چوکوں کی نشاندہی کی ہے۔
غزہ کی حمایت میں یمن میں ہفتہ وار ملین افراد کا عوامی مظاہرہ ملک کے خلاف امریکی-برطانوی-اسرائیلی جارحیت کے باوجود ہوتا ہے، جب کہ یمنی مسلح افواج سمندر میں اورقابض اسرائیلی دشمن کے خلاف اپنی کارروائیاں جاری رکھے ہوئے ہیں۔
قبل ازیں جمعرات کو انصار اللہ کے سربراہ، عبدالملک الحوثی نے زور دے کر کہا تھا کہ یمنی عوام کی پوزیشن “دشمنوں کے لیے ایک بڑی مایوسی کی نمائندگی کرتی ہے”۔
قابض اسرائیلی فوج جسے امریکہ اور یورپ کی حمایت حاصل ہےمسلسل 460 دنوں سے غزہ کی پٹی پر جارحیت کا سلسلہ جاری رکھے ہوئے ہے، جہاں اس کے طیارے ہسپتالوں، عمارتوں، ٹاورز اور فلسطینی شہریوں کے گھروں پر بمباری کر رہے ہیں۔
اس جارحیت کے نتیجے میں 155,000 سے زیادہ فلسطینی شہید اور زخمی ہوچکے جن میں سے زیادہ تر بچے اور خواتین تھیں۔ 11,000 سے زیادہ لاپتہ ہوئے بڑے پیمانے پر تباہی اور قحط کے درمیان، جس میں درجنوں بچے اور بوڑھے لوگ ہلاک ہوئے، دنیا کی بدترین انسانی آفات میں سے ایک ہے۔
