غزہ (مرکزاطلاعات فلسطین فاؤنڈیشن) اسلامی تحریک مزاحمت ’حماس‘ کے عسکری ونگ عزالدین القسام بریگیڈز کے ترجمان ابو عبیدہ نے یمن کے خلاف صیہونی جارحیت کی مذمت کرتے ہوئے تل ابیب کو میزائل حملوں سے نشانہ بنانے پر انصار اللہ کو مبارک باد پیش کی ہے۔
ابو عبیدہ نے فلسطینی انفارمیشن سینٹر کے بعد ٹیلی گرام پلیٹ فارم پر اپنے چینل پر ٹوئٹس میں کہا کہ “ہم برادران حق، انصار اللہ کی طرف سے یمن میں صہیونی وجود کے مرکز پر کیے گئے میزائل حملے پرمبارکباد پیش کرتے ہیں”۔
انہوں نے غزہ کے لیے یمنی انصار اللہ کی حمایت کو سراہتے ہوئے کہا کہ “ان کے حملے اس وقت تک جاری رہیں گے جب تک کہ قابض دشمن تباہی کی جنگ بند نہ کردے”۔
ابوعبیدہ نے یمن پراسرائیلی حملوں کی مذمت کرتے ہوئے کہا کہ ان سے یہ ثابت ہوتا ہے کہ وہ پوری مسلم امہ کا دشمن ہے۔ اس کے لیے اس کے تمام اجزاء کی ضرورت ہے کہ وہ اس کے جرائم کا مقابلہ کریں۔
اس سے قبل حماس نے کہا تھا کہ یمن کے خلاف اسرائیلی جارحیت جس نے دارالحکومت صنعا اور حدیدہ کی بندرگاہ میں شہری اور خدماتی تنصیبات کو نشانہ بنایا تھا کی شدید مذمت کی ہے۔
حماس نے اس جارحیت کی مذمت کرتے ہوئے اسے یمن کے خلاف “دہشت گرد” قرار دیا۔
خیال رہے کہ جمعرات کی صبح قابض صہیونی فوج نے غزہ کی پٹی کی حمایت کی پاداش میں یمن کے دارالحکومت صنعا اور الحدیدہ میں کئی شہری تنصیبات کو نشانہ بنایا جس کے نتیجے میں نو افراد شہید ہوگئے۔
