صنعا (مرکزاطلاعات فلسطین فاؤنڈیشن) یمن کی مزاحمتی تحریک انصار اللہ نے یمن پر امریکہ اور قابض اسرائیلی ریاست کی منظم جارحیت کی مذمت کرتے ہوئےکہا ہے کہ صہیونی ۔ امریکی جارحیت کے باوجود تحریک فلسطینی عوام کی حمایت اور غزہ کی پٹی کی حمایت جاری رہے گی۔
انصار اللہ کے رہنما نصرالدین عامر نے کہا کہ کوئی بھی چیز یمنی عوام کو غزہ کو تنہا چھوڑنے پر مجبور نہیں کر سکتی کیونکہ غزہ کو رگ و پے میں قتل عام کیا جا رہا ہے۔
“عامر” نے جمعرات کی صبح پریس بیانات میں اس بات پر زور دیا کہ “یہاں یا وہاں کسی شہری تنصیب کو نشانہ بنانے سے یمن کی جارحانہ صلاحیتوں پر یقینی طور پر کوئی اثر نہیں پڑے گا۔ انہوں نے کہا کہ ہم صہیونی جارحیت کے خلاف فلسطینیوں کی حمایت جاری رکھیں گے۔
انہوں نے مزید کہا کہ “یمن کے عوام کو بہت فخر ہے اور ہمیشہ خدا کا شکر ادا کرتے ہیں کہ وہ غزہ اور مغربی کنارے میں فلسطینی عوام کی حمایت اور فتح کے لیے صیہونی دشمن کے خلاف ایک مقدس جنگ لڑنے کے لیے کھڑے ہوئے”۔
اسرائیلی جارحیت پر تبصرہ کرتے ہوئے تحریک انصار اللہ کے سیاسی بیورو کے رکن محمد البخیتی نے کہا کہ یمن میں شہری تنصیبات پر امریکی اسرائیلی بمباری مغرب کی منافقت کی حقیقت کا کھلا ثبوت ہے۔
البخیتی نے پریس بیانات میں کہا کہ “غزہ کی حمایت میں ہماری فوجی کارروائیاں جاری رہیں گی۔ جب تک غزہ میں نسل کشی کے جرائم کو روکا نہیں جاتا ، خوراک، ادویات اور ایندھن کو پٹی میں داخل ہونے کی اجازت نہیں دی جاتی، تب تک ہم صہیونی دشمن کی طرف جانےوالے جہازوں پر حملے کرتے رہیں گے‘۔
جمعرات کی صبح صنعاء اور الحدیدہ گورنری میں متعدد شہری تنصیبات پر قابض اسرائیلی فضائیہ نے بمباری کی۔ جس کے نتیجے میں 9 شہری شہید اور 3 زخمی ہوئے۔
یمنی المسیرہ چینل نے وضاحت کی کہ صنعاء اور حدیدہ کو “جارحانہ حملوں” کا نشانہ بنایا گیا۔ان حملوں دارالحکومت کے جنوب اور شمال میں مرکزی پاور اسٹیشنوں کو نشانہ بنایا۔
