صنعا (مرکزاطلاعات فلسطین فاؤنڈیشن) یمنی مسلح افواج کا کہنا ہے کہ انہوں نے ڈرون کے ذریعےمقبوضہ فلسطین میں قابض صہیوی فوج کے خلاف دو آپریشن کیے، جس میں وہ قابض اسرائیلی فوج کے مداخلتی نظام کو نظرانداز کرنے اور مقبوضہ فلسطینی علاقوں میں کامیابی کے ساتھ اپنے اہداف تک پہنچنے میں کامیاب رہے۔
یمنی فورسز نے ایک پریس بیان میں وضاحت کی کہ فضائیہ نے دو فوجی کارروائیاں کیں، جن میں سے پہلا مقبوضہ عسقلان میں ایک فوجی ہدف کو نشانہ بنایا گیا، جبکہ دوسرا مقبوضہ یافا میں ایک ہدف کو نشانہ بنایا گیا۔
بیان میں اشارہ کیا گیا کہ یہ دونوں کارروائیاں “فلسطینی عوام کی مظلومیت کی فتح اور غزہ کی پٹی میں ان کی ثابت قدم مزاحمت کی حمایت میں کی گئی ہیں “۔
بیان میں مزید کہا گیا ہے کہ یمنی مسلح افواج نے عراق میں اسلامی مزاحمتی تنظیم کے تعاون سے متعدد ڈرونز کا استعمال کرتے ہوئے جنوبی مقبوضہ فلسطین میں اہم اہداف کو نشانہ بنانے کے لیے ایک فوجی آپریشن کیا۔
انہوں نے اس بات پر زور دیا کہ یمنی مسلح افواج قابض اسرائیلی دشمن کے خلاف اپنی فوجی کارروائیاں اس وقت تک جاری رکھے گی جب تک وہ غزہ کے خلاف جارحیت بند نہیں کردیتا۔
