مقبوضہ بیت المقدس (مرکزاطلاعات فلسطین فاؤنڈیشن) صہیونی ریاست (مقبوضہ فلسطین) کے مرکزی شہر تل ابیب میں منگل کی شام ایک خودکش حملے کے نتیجے میں چھ صہیونی ہلاک اور 10 زخمی ہوگئے۔
عبرانی میڈیا نے تصدیق کی کہ “یافا آپریشن” کے مرتکب افراد نے مقبوضہ فلسطینی علاقوں میں دراندازی کی۔ انہوں نے ایک فوجی کو چاقو مارا، اس کا ہتھیار چھین لیا اور پھر اس کے ہتھیار سے کارروائی کی۔
عبرانی میڈیا نے کہا کہ فائرنگ دو مقامات پر ہوئی اور اندازہ ہے کہ دو افراد نے حملہ کیا۔
اسرائیلی براڈکاسٹنگ کارپوریشن نے اسرائیلی پولیس کے ایک ذریعے کے حوالے سے اطلاع دی ہے کہ یہ اندازہ لگایا گیا ہے کہ فائرنگ کا حملہ ایک فلسطینی نے کیا تھا۔
عبرانی میڈیا نے رپورٹ کیا کہ حملے میں ابتدائی طور پر چھ افراد کی ہلاکت اور 10 سے زائد زخمی ہونے کی تصدیق ہوئی ہے۔
حال ہی میں اسلامی تحریک مزاحمت ’حماس‘ کے عسکری ونگ القسام بریگیڈز نے غزہ کی پٹی میں قتل عام کے جواب میں قابض صہیونی دشمن پر فدائی حملوں کے سیلاب کی دھمکی دی تھی۔
