مقبوضہ بیت المقدس (مرکزاطلاعات فلسطین فاوؑنڈیشن) قابض اسرائیلی فوج نے غزہ کی پٹی میں گذشتہ سال کے آخر میں فلسطینی مزاحمت کاروں کے ہاتھوں جنگی قیدی گئے گئے تین اسرائیلی قیدیوں کے قتل کی ذمہ داری قبول کرلی ہے۔
اسرائیلی چینل 12 نے بتایا کہ قابض فوج نے 14 دسمبر2023ء کو تین اسرائیلی قیدیوں کے اہل خانہ کو ان کے قتل کی ذمہ داری سے آگاہ کیا۔
قابض فوج کے ایک بیان میں کہا گیا ہے کہ تینوں قیدی فوجی سارجنٹ رون شرمین، کارپورل نک بیزر اور ایلا ٹولیڈانو تھے۔
فوج کی جانب سے کی گئی تحقیقات میں یہ بات سامنے آئی ہے کہ تینوں قیدیوں کو غزہ کی پٹی کے شمالی علاقے جبالیہ میں ایک سرنگ کے اندر حراست میں لیا گیا تھا اور وہ فوجی چھاپوں کی وجہ سے سرنگ میں پھیلنے والی زہریلی گیس کے نتیجے میں ہلاک ہوئے تھے۔
فوج نے دعویٰ کیا کہ اس کے پاس حملے کے دوران سرنگ کے اندر ان قیدیوں کی موجودگی کے بارے میں کوئی اطلاع نہیں تھی۔
