غزہ – فلسطین فائونڈیشن پاکستان غاصب صیہونی فوج نے امریکی اور مغربی ممالک کی فوجی مدد سے غزہ کی پٹی میں نسلی کشی کی بھیانک مہم جاری رکھی ہوئی ہے۔ آج، تین ستمبر منگل کے روز، فلسطینیوں کی نسل کشی کا مسلسل 333 واں دن ہے۔
قابض فوج نے آج صبح غزہ میں جنگی طیاروں اور توپ خانے کے ذریعے مزید وحشیانہ حملے کیے ہیں، جن میں درجنوں فلسطینی شہید اور زخمی ہوئے ہیں۔
ہمارے نامہ نگاروں نے اطلاع دی ہے کہ قابض طیاروں اور توپ خانوں نے آج، ہفتے کے روز، غزہ کی پٹی کے مختلف علاقوں میں بمباری کی۔ اس بمباری میں گھروں، بے گھر افراد کی پناہ گاہوں، اور سڑکوں پر موجود شہریوں کو نشانہ بنایا گیا، جس کے نتیجے میں درجنوں شہری شہید اور زخمی ہوئے۔
طبی ذرائع نے اطلاع دی ہے کہ نوجوان عبدالمنعم محمد ابو تمیم، جو ایک ہفتہ قبل غزہ کی پٹی کے جنوب میں واقع مواسی خان یونس کے علاقے میں ایک کار پر بمباری میں شدید زخمی ہوگئے تھے، آج دم توڑ گئے۔
غزہ شہر کے جنوب مشرق میں الزیتون محلے میں الندیم شاہراہ پر قابض فوج کی گولہ باری کے نتیجے میں پانچ شہری زخمی ہوگئے۔
قابض طیاروں نے غزہ شہر کے شمال مشرق میں النفق کے علاقے میں ایک مکان پر بمباری کی، جبکہ شہر کے جنوب مغرب میں واقع تل الھویٰ محلے میں توپ خانے سے گولہ باری کی گئی۔
غزہ کی پٹی کے جنوب میں مواسی رفح میں الفردوس اسکول کے قریب قابض فوج کی فائرنگ سے حاجی جبر ابو شلوف شہید ہوگئے۔
منگل کی صبح خان یونس میں پرانے اصدا جیل کے قریب بے گھر افراد کے لیے بنائے گئے عارضی خیموں پر اسرائیلی بمباری میں 27 سالہ رائف عمر سلمان ابو شب اور اس کا تین سالہ بچہ شہید ہوگئے۔
شہریوں نے بتایا کہ قابض فوج کے توپ خانے نے وسطی غزہ کی پٹی میں نصیرات کیمپ کے شمال مغرب میں شدید گولہ باری اور فائرنگ کی۔
قابض فوج نے وسطی غزہ کی پٹی میں بریج کیمپ کے مشرق میں بھی فائرنگ کی۔
کل شام قابض اسرائیلی فوج کے طیاروں نے غزہ شہر پر پرتشدد فضائی حملہ کیا، اور کشتیوں سے غزہ شہر کے شمال مغرب میں ساحلی علاقے پر بھی فائرنگ کی۔
