انصار اللہ کے بحیرہ احمر اور خلیج عدن میں دو بحری جہازوں پر حملے

عدن – فلسطین فائونڈیشن پاکستان یمن کی مزاحمتی تنظیم انصار اللہ سے وابستہ مسلح افواج نے کہا ہے کہ انہوں نے قابض اسرائیلی پر بین الاقوامی بحری ناکہ بندی کی خلاف ورزی کرنے والے دو بحری جہازوں کو بحیرہ احمر اور خلیج عدن میں میزائلوں سے نشانہ بنایا ہے۔

یمن کی “مسلح افواج” نے جمعرات کی شام ایک ٹویٹ میں کہا کہ انہوں نے بحیرہ احمر اور خلیج عدن میں دو فوجی آپریشن کیے، جن میں سے ایک تیل بردار جہاز ’سونین‘ کو نشانہ بنایا گیا۔

جہاز کو براہ راست نقصان پہنچایا گیا جس کے بعد اس کے ڈوبنے کا خدشہ ہے۔

بیان میں مزید کہا گیا ہے کہ فورسز نے بحری جہاز SW North Wind I) ) کو بھی نشانہ بنایا اور خلیج عدن اور بحیرہ احمر میں سفر کرتے ہوئے براہ راست اور درست طریقے سے نشانہ بنا کر اسے نقصان پہنچایا گیا۔

یمن کی مسلح افواج نے وضاحت کی کہ بحری افواج، بغیر پائلٹ کے فضائیہ، اور میزائل فورس نے ان دو فوجی کارروائیوں میں متعدد گن بوٹس، بیلسٹک اور پروں والے میزائلوں اور ڈرونز کا استعمال کیا۔

بیان میں زور دیا گیا ہے کہ “یمن کی مسلح افواج کی کارروائیاں اس وقت تک نہیں رکیں گی جب تک غزہ میں جارحیت بند نہیں کی جاتی اور غزہ کی پٹی کا محاصرہ ختم نہیں کیا جاتا۔”