غزہ (مرکزاطلاعات فلسطین فاوؑنڈیشن) اتوار کی شام اسرائیلی قابض فوج نے جنوبی غزہ کی پٹی کے شہر رفح کے مغرب میں بے گھر ہونے والے لوگوں کے خیموں کو نشانہ بنا کر ایک نیا ہولناک قتل عام کیا جس کے نتیجے میں درجنوں شہری شہید اور زخمی ہوئے۔
ہمارے نامہ نگار کے مطابق قابض فوج کے طیاروں نے رفح کے مغرب میں ایجنسی کی بیرکوں کے قریب بے گھر ہونے والوں کے کیمپ پر بمباری کی جس کے نتیجے میں بڑی تعداد میں شہید اور زخمی ہوئے۔
انہوں نے مزید کہا کہ شہداء اور زخمیوں کی ایک بڑی تعداد اب بھی کیمپ میں موجود ہے اور ایمبولینس اور سول ڈیفنس کے عملے کو ان تک پہنچنے میں دشواری کا سامنا ہے۔
ہمارے نامہ نگار نے مقامی ذرائع کے حوالے سے بتایا ہے کہ قابض فوج جنگی طیاروں نے بے گھر افراد کے خیموں پر کم ازکم آٹھ میزائلوں سے بمباری کی جس سے آگ بھڑک اٹھی۔
دریں اثنا قابض فوج کے طیاروں نے رفح کے مغرب میں کئی مقامات کو نشانہ بناتے ہوئے چھاپوں کا سلسلہ شروع کیا۔ مرکزی رفح میں ایک پولیس سٹیشن سمیت، یبنا کیمپ میں کئی مکانات اور بے گھر افراد کے لیے ایک کیمپ کو نشانہ بنایا۔
رفح گورنری میں ہنگامی کمیٹی نے کہا کہ بے گھر شہریوں کے خلاف قتل عام کا ارتکاب رفح میں ہلاکتوں اور تباہی کی کارروائیوں کو جاری رکھنے پر اسرائیلی اصرار کی عکاسی کرتا ہے۔
