اسرائیل ایک ناجائز ریاست ہے قائد اعظم محمد علی جناح کے نظریات کو تبدیل نہیں کیا جا سکتا، اسرائیل نامنظوریلی کا اعلامیہ

کراچی (مرکزاطلاعات فلسطین فاوؑنڈیشن)فلسطین فاؤنڈیشن پاکستان کے زیر اہتمام اسرائیل نامنظور و یکجہتی فلسطینن ریلی نکالی گئی جس کی قیادت حما س کے ترجمان ڈاکٹر خالد قدومی اور فلسطین فاؤنڈیشن کے سیکرٹری جنرل ڈاکٹر صابو مریم نے کی۔اسرائیل نامنظور ریلی میں نوجوانوں کی بڑی تعداد نے شرکت کی اور موٹر سائیکلوں اور کاروں پر ریلی کارساز سے مزار قائد پہنچی۔ریلی کے شرکاء نے ہاتھوں میں بینرز اور پلے کارڈز اٹھا رکھے تھے جن پر اسرائیل نامنظور اور قائد اعظم محمد علی جناح کی تصویریں چسپاں تھیں۔پلے کارڈز پر غزہ میں بچوں کا قتل عام بند کرو کے نعرے بھی آویزاں تھے۔

شرکائے ریلی سے خطاب کرتے ہوئے ڈاکٹر خالد قدومی کا کہنا تھا کہ حماس پاکستان کے عوام کی شکر گذار ہیں کہ جنہوں نے ہمیشہ فلسطین کاز کی حمایت کی ہے، ان کاکہنا تھا کہ آج غزہ کے عوا پانی سے محروم ہیں ہم دنیا بھر کے عوام سے کہتے ہیں کہ امریکی حکومت سے مطالبہ کریں کہ غزہ میں جارحیت کو بند کیا جائے۔ انہوں نے فلسطین میں حما س کی غاصب اسرائیل کے مقابلہ میں مزاحمت کے بارے میں کہا کہ حما س پیچھے نہیں ہٹے گی۔

اسرائیل نامنظور ریلی سے مختلف سیاسی ومذہبی قائدین بشمول آصف لقمان قاضی، جماعت اسلامی کے رہنما ڈاکٹر معراج الہدیٰ صدیقی، ڈاکٹر اسامہ رضی، جمعیت علماء پاکستان کے علامہ عقیل انجم قادری،مفتی عبد الوحید یونس، پاکستان تحریک انصاف کے اسرار عباسی،عرم بٹ، خالدہ اقبال،پاکستان مسلم لیگ نواز کے پیرزادہ ازہر علی ہمدانی، مجلس وحدت مسلمین کے علامہ صادق جعفری، رضی حیدر، عوامی نیشنل پارٹی کے یونس بونیری، جمعیت اہلحدیث کے مفتی مرتضیٰ رحمانی، جماعت اہلسنت کے مسرور ہاشمی، ہیومن رائٹس کونسل کے جمشید حسین، معروف مذہبی اسکالر معاذ نظامی، مفتی محمد جہانزیب، اساتذہ برادری سے ڈاکٹر فضلی حسین، ڈاکٹر مدد علی صابری، ہندو برادری کے منوج چوہان،وجے مہاراج، سکھ رہنما سردار مگھن سنگھ، سردار ارجن سنگھ، مسیحی رہنما پاسٹر امانیول صوبہ سمیت دیگر نے خطاب کیا۔

اسرائیل نامنظور ریلی سے خطاب کرتے ہوئے مقررین نے کہا کہ پاکستان کے عوام حماس اور فلسطینی عوام کے ساتھ ہیں، پاکستان میں دوریاستی حل کی بات کرنے والے در اصل نظریہ پاکستان کی نفی کر رہے ہیں۔ مقررین کاکہنا تھا کہ فلسطین فلسطینیوں کا وطن ہے اور قائد اعظم محمد علی جناح نے واضح فریا تھا کہ اسرائیل ایک ناجائز ریاست ہے اور پاکستان ی اسے کبھی تسلیم نہیں کرے گا۔ ان کاکہنا تھا کہ عرب حکومتوں کی جانب سے حما س پر دباؤ ڈالا جا رہا ہے کہ مسلح جدوجہد ختم کر دیں تاہم پاکستان کے عوام عرب حکومتوں سے مطالبہ کرتے ہیں کہ اسرائیل کے ساتھ تعلقات ختم کئے جائیں۔ انہوں نے مزید کہا کہ پاکستان کے عوام کسی صورت اسرائیل کے ساتھ تعلقات اور تسلی کرنے کی بات کو قبول نہیں کریں گے۔ قائد اعظم کے نظریہ کو تبدیل کرنے والے در اصل نظریہ پاکستان اور آئین پاکستان کے مجرم ہیں۔ اس موقع پر شرکاء نے غزہ میں بچوں کا قتل بند کرنے کا مطالبہ کیا اور مردہ باد امریکہ، اسرائیل نامنظور اور فلسطین کی آزادی تک جنگ رہے گی کے فلک شگاف نعرے لگائے