غزہ (مرکزاطلاعات فلسطین فاوؑنڈیشن)اسلامی تحریک مزاحمت [حماس] کے عسکری ونگ القسام بریگیڈز نے جمعرات کی شام اعلان کیا ہے کہ اس نے کل جمعرات کو صیہونی فوج کی مزید 21 فوجی گاڑیاں، کییرئر اور ٹینک تباہ کردیے
القسام نے ایک مکان کو نشانہ بنایا جس میں قابض فوجی چھپے ہوئے تھے، جس کے نتیجے میں کئی فوجی ہلاک اور زخمی ہو گئے۔
کل جمعرات کی شام کی ایک فوجی رپورٹ میں کہا گیا ہے کہ القسام مجاہدین نے پانچ فوجی جیپوں کو نشانہ بنایا جنہوں نے بیت لاہیا کے مغرب میں دراندازی کی تھی انہیں”ال یاسین 105″ گولوں سے نشانہ بنایا گیا۔ اس کے نتیجے میں دو جیپیں تباہ ہو گئیں، جن میں سے ایک وولف اور ایک ڈیفنڈرجیپ تھی۔ انہیں مشین گنوں کی مدد سے انتہائی قریبی فاصلے سے نشانہ بنایا گیا۔
اس کے بعد کے ایک بیان میں، بریگیڈز نے کہا کہ “القسام مجاہدین بیت حانون میں ایک عمارت کے اندر چھپی ہوئی صہیونی فوج کو 12 اینٹی قلعہ یاسین ٹی بی جی گولوں سے نشانہ بنا کر تباہ کیا گیا۔ اس کی وجہ سے عمارت مکمل طور پر تباہ ہو گئی۔
قبل ازیں حماس کے رہنما اسامہ حمدان نے تصدیق کی کہ القسام بریگیڈز گذشتہ 48 گھنٹوں کے دوران دشمن کی 33 گاڑیوں کو تباہ کرنے میں کامیاب ہوئے۔
فلسطینی مزاحمتی فورسز نے غزہ کی پٹی میں دراندازی کے مختلف محوروں میں صیہونی قابض افواج کے ساتھ بہادری سے تصادم جاری رکھا ہوا ہے، صفر فاصلہ کی جھڑپیں کی ہیں۔
ہمارے نمائندے نے اطلاع دی ہے کہ شمالی غزہ کی گورنری اور غزہ شہر کے مغرب اور جنوب میں دراندازی کی لکیروں میں اب بھی شدید جھڑپیں سنائی دے رہی ہیں۔
قابض فوج نے آج صبح اعلان کیا کہ شمالی غزہ کی پٹی میں فلسطینی مزاحمت کاروں کے ساتھ جاری لڑائیوں میں دو اہلکار ہلاک اور دو زخمی ہوئے۔
بعد ازاں، عبرانی چینل 12 نے شمالی غزہ کی پٹی میں کل کی کارروائی کے دوران پیرا ٹروپرز بریگیڈ کی 202ویں بٹالین میں ایک ڈپٹی کمپنی کمانڈر کے مارے جانے کی تصدیق کی۔
