فلسطین کے مقبوضہ بیت المقدس شہرمیں مسجد اقصیٰ کےباب الاسباط کے علاقے میں جمعہ کی سہ پہر آبادکاروں کے حملوں میں متعدد نمازی زخمی ہوئے۔
مقامی ذرائع نے بتایا کہ باب الاسباط پر جھڑپ شروع ہونے سے قبل آباد کاروں نے شہریوں پر حملہ کیا۔
عبرانی چینل 12 نے اطلاع دی ہے کہ پرانے بیت المقدس میں ہونے والی جھڑپوں کے دوران تین آباد کار اور ایک اسرائیلی پولیس اہلکار زخمی ہوئے۔
فلسطینی ذرائع کے مطابق جمعہ کو سیکڑوں یہودی آباد کاروں نے مقبوضہ بیت المقدس کے پرانے شہر میں باب الساھرہ کے علاقے پر دھاوا بول دیا اور اسرائیلی قابض افواج کی حفاظت میں مسجد اقصیٰ کے متعدد دروازوں پر حملہ کیا جہاں فلسطینی نمازی نماز جمعہ کی ادائیگی کے لیے پہنچ رہے تھے۔
مقامی ذرائع نے اطلاع دی ہے کہ سیکڑوں آباد کاروں نے قابض فوج کی حفاظت میں فلسطینیوں اور عربوں کے خلاف نسل پرستانہ نعرے لگاتے ہوئے اشتعال انگیز مارچ کے ساتھ باب الساھرہ کے آس پاس دھاوا بول دیا۔
آباد کاروں نے باب الاسباط کے آس پاس کے علاقوں میں بھی دھاوا بول دیا اور قابض فوج کی حفاظت میں مسجد اقصیٰ میں نماز ادا کرنے کے لیے جانے والے شہریوں پر حملہ کرنے کی کوشش کی۔
