عبرانی میڈیا کے مطابق مقبوضہ بیت المقدس شہر کے قریب ایک ہلکے طیارے کے حادثے میں ہفتے کے روز دو اسرائیلی ہلاک ہو گئے۔
اخبار یدیعوت احرونوت کی رپورٹ کے مطابق اخبار نے اطلاع دی ہے کہ سیرا ماڈل کا ایک طیارہ القدس کے مغرب میں مافو بیتار علاقے کے قریب گر کر تباہ ہوا۔
طیارے نے ملک کے وسط (مقبوضہ فلسطین) کے ہوائی اڈے سے ٹیک آف کیا اور اسے بحیرہ مردار کے قریب (اردن کی سرحد پر) “بار یہودا” ہوائی اڈے پر اترنا تھا۔
درایں اثنا عبرانی ریڈیو نے اطلاع دی کہ ایک ایمبولینس اس جگہ پر پہنچی اور انہیں ابتدائی طبی امداد فراہم کرنے کی کوشش کی لیکن وہ ہلاک ہو گئے۔
ریڈیو رپورٹ کے مطابق ہوائی جہاز کے ساتھ آخری رابطہ اس کے گرنے سے پہلے اس وقت ہوا تھا جب وہ “ماو بیتار” (القدس سے تقریباً 10 کلومیٹر جنوب مغرب میں) کی بستی پر پرواز کر رہا تھا۔
پولیس اور سول ایوی ایشن اتھارٹی نے حادثے کی وجہ جاننے کے لیے تحقیقات شروع کر دی ہیں۔
