اسرائیلی اہلکار، مصری وزیرخارجہ سےملاقات کریں گے

اسرائیل نے غزہ کی معاشی ناکہ بندی مزید سخت کرنے کے لیے اعلیٰ سطح کے صہیونی اہلکارکو مصر بھیجنے کا فیصلہ کیا ہے۔ عبرانی ذرائع ابلاغ کے مطابق تل ابیب میںمحکمہ دفاع کی ایک اعلیٰ سطح کی شخصیت جلد قاہرہ کا دورہ کرے گی۔ اس دورے کا مقصد غزہ کی سرنگوں کے ذریعے اسلحہ کی اسمگلنگ روکنااور غزہ کی معاشی ناکہ بندی کو مزید سخت کرنا ہے۔ دوسری جانب اسرائیلی ریڈیو کے مطابق وزارت دفاع کے سیاسی و سیکیورٹی امورکے چیئرمین عاموس گلعاد آئندہ ہفتے قاہرہ کا دورہ کریں گے جہاں وہ مصری وزیرخارجہ عمر سلیمان اور انٹیلی جنس چیف سمیت دیگر اعلیٰ حکام سے ملاقاتیں کریں گے۔ ریڈیو رپورٹ کے مطابق ان ملاقاتوں میں فلسطینی اتھارٹی کے ساتھ اسرائیل کی امن مذاکرات کی بحالی، ایرانی کا جوہری پروگرام، حماس کے ساتھ قیدیوں کے تبادلہ اور دیگر موضوعات پرتبادلہ خیال کیا جائے گا۔