کراچی ( فلسطین نیوز۔مرکز اطلاعات) فلسطین فاؤنڈیشن پاکستان کے زیر اہتمام کراچی میں ایم اے جناح روڈ نزد بندو خان پر ’’القدس فلسطین کا دارلحکومت ‘‘ کے عنوان پر فلسطینی عوام کے حق واپسی اور یوم القدس کی مناسبت سے ایک تصویری نمائش کا اہتمام مورخہ7جون سے کیا جا رہاہے جس کا افتتاح پاکستان کی سیاسی ومذہبی شخصیات اور انسانی حقوق کے نمائندوں سمیت سول سوسائٹی اراکین جمعرات کو کریں گے جبکہ یہ تصویری نمائش جمعۃ الوداع یوم القدس تک جاری رہے گی۔ واضح رہے کہ دو روزہ تصویری نمائش کا مقصد فلسطینی عوام کے حق واپسی کو اجاگر کرنے کے ساتھ ساتھ پاکستان کے عوام میں فلسطین سے متعلق شعور اور آگہی فراہم کرنا بھی ہے۔
دو روزہ تصویری نمائش کے پہلے روز 7جون کو افتتاح کے بعد گول میز کانفرنس کا انعقاد بھی کیا جائے گا جس میں سیاسی و مذہبی قائدین اور این جی اوز اور سول سوسائٹی نمائندے یوم القدس سمیت فلسطین کے حالات اور فلسطینیوں کے حق واپسی کے عنوان سے خطاب کریں گے۔
