مصری سرحد پر سرنگ گرنے سے تین فلسطینی شہید

فلسطینی طبی ذرائع کے مطابق مصری سرحد کے قریب سرنگ گرنے سے تین فلسطینی شہید یو گئے ۔ تفصیلات کے مطابق منگل کی صبح مصری سرحد کے قریب سرنگ کے انہدام سے تین فلسطینی شہادت پا گئے فلسطینی ذرائع کے مطابق منگل کی صبح تین فلسطینی مصری سرحد پر واقع سرنگ میں موجود تھے اور اشیائے خوردونوش کی ترسیل کا کام کر رہے تھے کہ اچانک سرنگ زمین بوس ہو گئی ڈائریکٹر آف ایمرجنسی ڈاکٹر معاویہ حسنین نے بیان میں کہا ہے کہ مصری حکام نے ان تینوں فلسطینیوں کے جسد خاکی وسطی غزہ میں دیر البلح کے علاقے میں موجود ان کے خاندانوں کے سپرد کیے واضح رہے کہ اسرائیلی ناکہ بندی کی وجہ سے اسی طرح کی کئی سرنگیں مصری سرحد پر موجود ہیں جس سے فلسطینی اپنی جانوں پر کھیل کر اپنے لیے اشیائے خوردونوش کی ترسیل کا کام کرتے ہیں