امریکہ اور عرب ممالک کی جانب سے حماس اور فلسطینی مزاحمت کے خلاف سازشوں کی شدید مذمت کرتے ہیں۔

کراچی( )فلسطین فاؤنڈیشن پاکستان کے مرکزی سر پرست رہنماؤں سابق رکن قومی اسمبلی و رہنما جماعت اسلامی مظفر احمد ہاشمی، پاکستان مسلم لیگ ن کے رہنما اظہر علی ہمدانی، مجلس وحدت مسلمین کے رہنما علامہ صادق رضا تقوی، پاکستان عوامی مسلم لیگ کے مرکزی رہنما محفوظ یار خان ایڈووکیٹ ، جمعیت

علماء پاکستان کراچی کے صدر علامہ قاضی احمد نورانی صدیقی اور فلسطین فاؤنڈیشن پاکستان کے مرکزی ترجمان صابر کربلائی نے کہا ہے کہ غاصب اسرائیل صرف اور صرف مزاحمت کی زبان سمجھتا ہے جو خود اسرائیل نے اپنے رویے سے ثابت کر دیا ہے،ان کاکہنا تھا کہ ماضی میں بھی غاصب اسرائیل نے کبھی کسی قسم کے معاہدوں کی نہ تو پاسداری کی ہے اور نہ ہی اقوام متحدہ کی قرار دادوں کا احترام کیا ہے تاہم غاصب اسرائیل نے اپنے عمل سے اس بات کو ثابت کر دیا ہے کہ صیہونی جارح اور غیر قانونی ریاست اسرائیل کا علاج صرف اور صرف فلسطینی مزاحمت میں ہی پنہاں ہے۔