فلسطین فاؤنڈیشن پاکستان کے وفد کی لبنان میں بین الاقوامی فلسطین کانفرنس میں شرکت
کانفرنس میں فلسطین ،پاکستان ،ہندوستان،لبنان،شام،برطانیہ،امریکہ،اسپین سمیت پینتیس ممالک کے پچاس سے زائد مندوبین شریک ہیں
فلسطین فاؤنڈیشن پاکستان کادو رکنی وفد جماعت اسلامی کراچی کے نائب امیر اور سابق رکن قومی اسمبلی
مظفر احمد ہاشمی کی سربراہی میں لبنان میں ہونے والی تین روزہ بین الاقوامی فلسطین کانفرنس میں شرکت کے لئے بیروت پہنچ گیا
کراچی( )فلسطین فاؤنڈیشن پاکستان کا دو رکنی وفد جماعت اسلامی کراچی کے نائب امیر اور سابق رکن قومی اسمبلی مظفر احمد ہاشمی کی سربراہی میں لبنان میں ہونے والی تین روزہ بین الاقوامی فلسطین کانفرنس میں شرکت کے لئے پہنچ گیا ہے ، دو رکنی وفد میں فلسطین فاؤنڈیشن پاکستان کے مرکزی سرپرست رہنما اور جماعت اسلامی کراچی کے نائب امیر مظفر احمد ہاشمی کے ساتھ فلسطین فاؤنڈیشن پاکستان کے مرکزی سیکرٹری جنرل اور مرکزی ترجمان صابر کربلائی موجود ہیں۔بین الاقوامی یکجہتی فلسطین کانفرنس کا عنوان ’’فلسطینیوں کی فلسطین واپسی‘‘ ہے جبکہ اس بین الاقوامی کانفرنس میں سر زمین انبیاء فلسطین سمیت پینتیس ممالک کے پچاس سے زائد مندوبین شریک ہوں گے اور مسئلہ فلسطین سے متعلق مستقبل میں منعقد ہونے والے عالمی سطح کے پروگراموں کی منصوبہ بندی کے ساتھ ساتھ خطے کی بدلتی ہوئی سیاسی صورتحال اور فلسطین کی آزادی کے لئے ہونے والی جد وجہد پر گفت و شنید کریں گے۔
