اسرائیلی حکام نے گھریلو گیس کی محدود مقدار غزہ لیجانے کی اجازت دے دی

اسرائیلی قابض انتظامیہ نے پہلی مرتبہ کھانے پکانے کیلئے استعمال ہونے والی گیس کی محدود مقدار غزہ لے جانے کی اجازت دے دی ہے- وزارت معیشت ڈائریکٹر حطیم عویدار کے مطابق اسرائیل نے شجاعیہ راہداری کے ذریعے 300 سے 350 ٹن گیس لے جانے کی اجازت دی ہے- انہوں نے بتایا کہ یہ اجازت بھی گیس سٹیشنوں پر تمام ذخیرہ ختم ہونے کے بعد دی گئی- انہوں نے بتایا کہ غزہ کو ماہانہ 5 ہزار ٹن گیس کی ضرورت ہے لہذا مزید گیس منگوانے کی اجازت دی جائے- یاد رہے کہ غزہ کے گیس سٹیشن کئی دنوں سے گیس کی قلت کے باعث بند ہیں اور لوگ اس نئے بحران کی آمد سے پریشان ہیں-