حماس نے فلسطینیوں کی حوصلہ افزائی کے لئے مٹھائی بانٹنا شروع کر دی

اسلامی تحریک مزاحمت (حماس) نے مسلسل اسرائیلی جارحیت اور غزہ کیخلاف فلسطینیوں کی استقامت کو سلام پیش کرنے کے لئے اظہار محبت کے طور پر تمام گھروں میں جا کر مٹھائی تقسیم کرنے کی مہم کا آغاز کر دیا ہے- اب تک کی سب سے بڑی سماجی مہم کا مقصد غزہ کی پٹی میں خطرناک انسانی بحران کا سامنا کرتے فلسطینیوں کے دلوں پر دستک دیکر انہیں خوشی کا ایک موقع فراہم کرنا اور ان کا غم بانٹنا ہے- حماس کے سینئر رہنما اسامہ المزینی نے صفاء نیوز ایجنسی کو بتایا کہ اس مہم کا منصوبہ دو سال قبل تیار کیا گیا اور اس سے پہلے غزہ کے شمالی علاقوں اور خان یونس سمیت کئی علاقوں میں اس پر عملدرآمد ہو چکا ہے-