علامہ آغا آفتاب حیدر جعفری کا قتل فلسطینی کاز کے لئے ناقابل تلافی نقصان ہے

فلسطین فاﺅنڈیشن پاکستان کے مرکزی رہنماﺅںسابق رکن قومی اسمبلی اور جماعت اسلامی کے رہنما مظفر احمد ہاشمی ،جمعیت علماءپاکستان کے مرکزی رہنما علامہ قاضی احمد نورانی صدیقی ،مجلس وحدت مسلمین پاکستان کراچی کی سیکرٹری جنرل مولانا صادق رضا اور فلسطین فاﺅنڈیشن پاکستان کے مرکزی ترجمان صابر کربلائی نے علامہ آغا آفتاب حیدر جعفری کی شہادت کو پاکستان میں فلسطینی کاز کی راہ میں ناقابل تلافی نقصان قرار دیتے ہوئے امریکہ اور اس کی ناجائز اولاد اسرائیل کی شدید الفاظ میں مذمت کی۔

فلسطین فاﺅنڈیشن پاکستان کے مرکزی رہنماﺅں کاکہنا تھا کہ علامہ آغا آفتاب حیدر جعفری کی شہادت آزادی فلسطین کی راہ میں پاکستانی قوم کی جانب سے ہدیہ ہے اور شہید آغا آفتاب جعفری کو خراج تحسین پیش کرتے ہیں کہ انہوں نے امریکہ مخالفت کی صف اول میں رہتے ہوئے جام شہادت نوش کیا۔رہنماﺅں کاکہنا تھا کہ سر زمین پاکستان پر فلسطینی کاز کی حمایت جاری رکھیں گے اور شہید آفتاب جعفری کے خون کو رائیگاں نہیں جانے دیں گے۔

فلسطین فاﺅنڈیشن پاکستان کی مرکزی سرپرست کمیٹی کے اراکین کاکہنا تھا کہ شہید آغا آفتاب جعفری مسلم امہ میں اتحاد کو بہت بڑے علمبردار تھے اور انہوںنے ہمیشہ عالمی استعمار امریکہ اور صیہونزم کے خلاف صدائے حق بلند کی اور پاکستان میں فلسطینی کاز کا پرچم سر بلند کیا۔وہ گذشتہ چار برس سے فلسطین فاﺅنڈیشن پاکستان کی مرکزی سرپرست کمیٹی میں فعال کردار ادا کر رہے تھے۔شہید علامہ آغا آفتاب حیدر جعفری کی فلسطینی کاز کے لئے کی کی جانے خدمات لائق تحسین ہیں۔رہنماﺅںنے بتایا ہے کہ شہید کے جسم میں چودہ گولیاں لگی ہیں جس کے سبب وہ شہید ہو گئے ،وہ علی الصبح اپنے ایک دوست کے ہمراہ آفس جا رہے تھے ۔