یہودی آبادکاروں کا فلسطینی شہریوں کے گھروں پر حملہ

مغربی کنارے کے الخلیل شہر میں یہودی آبادکاروں نے فلسطینی شہریوں کے گھروں پر حملے کیے جس سے متعدد فلسطینی زخمی ہوگئے اور فلسطینیوں کی املاک کو نقصان پہنچا- ذرائع کے مطابق انتہا پسند یہودیوں نے شہر کی گلیوں میں ’’عید سارہ‘‘ نامی یہودی تہوار کے موقع پر اشتعال انگیز ریلیاں نکالیں- اس دوران فلسطینی شہریوں کی دکانوں، گھروں اور املاک پر حملے کیے گئے- یہودیوں کی ریلی کے ہمراہ اسرائیلی فوج کے اہلکار بھی موجود تھے- ریلی کے باعث حرم ابراہیمی اور متعدد سڑکیں بند کردی گئیں- زخمیوں میں 65 سالہ بوڑھی خاتون بھی شامل ہے- ذرائع کے مطابق بوڑھی خاتون کو یہودی آبادکار نے نشانہ باندھ کر پتھر سے زخمی کیا-