مصر میں اسرائیل کے لیے جاسوسی کرنے والا نیٹ ورک گرفتار

مصری پولیس نے اسرائیل کے لیے جاسوسی کرنے والے ایک گروہ کا سراغ لگاتے ہوئے اس سے وابستہ متعدد افراد کو حراست میں لے لیا گیا ہے جن سے تفتیش جاری ہے. ذرائع کے مطابق گرفتار کیے جانے والوں میں غیر ملکی بھی شامل ہیں.ان تمام مشکوک افراد کی گرفتاریاں مصر کے مختلف علاقوں سےعمل میں لائی گئی ہیں. مرکز اطلاعات فلسطین کو اپنے ذرائع سے موصولہ اطلاعات پتہ چلا ہے کہ گرفتار ہونے والے تمام افراد مصر کی اہم معلومات ، اہم شخصیات، گیس پائپ لائنوں اور اپوزیشن ارکان کے بارے میں تفصیلات جمع کر رہےتھے. دوسری جانب مصری پراسیکیوٹر جنرل کے مطابق پولیس نے 15 روز قبل ایک غیرملکی شہر ی کو گرفتار کر لیا تھا. اس کی شہریت فی الحال ظاہر نہیں کی گئی. پراسیکیوٹرجنرل نے مشتبہ شخص کی نشاندہی پر مزید متعدد افراد کو گرفتار کیا ہے. ان تمام افراد پر الزام ہے کہ اسرائیلی خفیہ ایجنسی موساد کے لیے جاسوسی کر رہے تھے اور مصر کی سلامتی کو نقصان پہنچانے کے مرتکب ہوئے تھے. خیال رہے کہ حا ل ہی میں پولیس نے ایک غیر ملکی شہری کوحراست میں لے کر اس سے تفتیش تو اس نے دوران تفتیش موساد کے ساتھ اپنے تعلق کا اعتراف کیا. ملزم کا کہنا ہے کہ وہ 25 جنوری کے انقلاب کے بعد مصر میں داخل ہوا ہے.