اسرائیلی طیاروں کی غزہ پر بمباری، کار تباہ

اسرائیلی فضائیہ کے لڑاکا طیاروں نے وسطی غزہ میں ایک فلسطینی کار پر بمباری کر کے اسے تباہ کر دیا ہے۔ فلسطینی سکیورٹی ذرائع کے مطابق نصیرات کیمپ میں فلسطینی شہری کی گاڑی پر ایک میزائل داغا گیا ہے۔ ذرائع نے ’’مرکز اطلاعات فلسطین‘‘ کو بتایا کہ صہیونی فوج کی بمباری کا نشانہ بننے والی کار’’ڈیماکس جیپ‘‘ طرز کی تھی۔ فلسطینی میڈیکل ذرائع کے مطابق اس جارحانہ کارروائی میں کوئی جانی نقصان ہوا نہ ہی کوئی زخمی تاہم دھماکہ اتنی شدید نوعیت کا تھا کہ اس کی آواز دور دور تک سنی گئی۔ کارروائی کے بعد بھی صہیونی فضائیہ کے طیارے غزہ کی پٹی کے فضاؤں میں گردش کرتے رہے۔