غزہ اور مغربی کنارے میں ’’اونروا‘‘ کے ڈائریکٹر مستعفی

اقوام متحدہ کی ورک اینڈ ریلیف ایجنسی برائے فلسطینی مہاجرین (اونروا) کے میڈیا ایڈوائزر عدنان ابو حسنہ نے غزہ اور مغربی کنارے میں اونروا کے دو مینیجرز ’’جون گینگ‘‘ اور ’’باربرا سنسٹن‘‘ کے اپنے عہدوں سے استعفوں کا اعلان کردیا ہے۔ ابو حسنہ نے بتایا کہ گینگ نے فروری 2006ء کو اونروا میں کام کا آغاز کیا تھا۔ انہوں نے اقوام متحدہ کے انسانی بحالی کے آفس میں کام کرنے کے لیے یہاں سے استعفی دیا ہے۔ انہوں نے ایجنسی میں کام کرنے والی خاتون مینیجر باربرا کے استعفی کی وجوہات بتانے سے گریز کیا۔