امریکی فوج اور پینٹاگون کے تعاون سے اسرائیلی فضائیہ کی بڑے پیمانے پر مشقیں

اسرائیلی فضائیہ نے امریکی فوج اور وزارت دفاع پینٹا گون کے تعاون سے مقبوضہ فلسطین میں بڑے پیمانے پر مشقیں شروع کردی ہیں- اسرائیلی ریڈیو کے مطابق یہ مشقیں دو ہفتے تک جاری رہیں گی – اسرائیلی اور امریکی فوج ایران ،شام ،لبنان یا غزہ سے میزائل حملوں کے دفاع کی مشقیں بھی کریں گی – مشقوں میں 1500 امریکی فوجیوں سمیت ہزاروں اسرائیلی فوجی شامل ہیں- اسرائیلی ریڈیو کے مطابق حکومت پڑوسی ممالک شام اور ایران کو وضاحتی خطوط لکھے ہیں جس میں کہا گیا ہے کہ یہ معمول کی مشقیں ہیں – ان کا جارحانہ مقصد نہیں ہے- تل ابیب سے عبرانی زبان میں شائع ہونے والے اخبار معاریف کے مطابق ایران اور شام ان مشقوں پر گہری نظر رکھے ہوئے ہیں -فوجی مشقوں کے دوران اس امریکی رڈار کو بھی چالو کیا جائے گا جو اسرائیل میں بلیسٹک میزائل کے حملے کی وارننگ کے لیے نصب کیاگیاہے-