Connect with us

اسرائیل کی تباہی میں اتنا وقت باقی ہے

  • دن
  • گھنٹے
  • منٹ
  • سیکنڈز

صیہونیزم

37 ماہ بعد فلسطینی اسیر عدنان حمارشہ کی اسرائیلی قید سے رہائی

جنین – (مرکزاطلاعات فلسطین فاؤنڈیشن) قابض اسرائیلی حکام نے جنین کے جنوب مغرب میں واقع قصبے یعبد سے تعلق رکھنے والے رہنما اور معذور اسیر عدنان یاسین حمارشہ کو 37 ماہ کی مسلسل انتظامی حراست کے بعد رہا کر دیا ہے جس کے دوران انہیں انتہائی کٹھن طبی حالات کا سامنا کرنا پڑا۔

حمارشہ جنین کے نمایاں ترین انتظامی اسیران میں شمار ہوتے ہیں اور انہوں نے بار بار کی گرفتاریوں کے دوران قابض اسرائیل کی جیلوں میں 15 برس سے زائد عرصہ گزارا ہے جس کے دوران وہ منظم طبی غفلت کا شکار ہوئے جس کے نتیجے میں ان کے پاؤں مستقل معذوری سے دوچار ہو گئے اور تب سے وہ جیل کے اندر نقل و حرکت کے لیے وہیل چیئر پر انحصار کرتے ہیں۔

قابض افواج نے انہیں 24 اکتوبر سنہ 2023ء کو غزہ کی پٹی پر نسل کشی کی جنگ کے آغاز کے بعد مغربی کنارے میں شروع کی گئی گرفتاریوں کی وسیع مہم کے دوران گرفتار کیا تھا۔

اپنی حالیہ حراست کی مدت کے دوران حمارشہ کو گزاری گئی مدت پر اکتفا کرنے کے عدالتی فیصلوں کے اجرا کے باوجود انتظامی حراست میں بار بار توسیع کا سامنا کرنا پڑا جو غیر معینہ مدت تک حراست اور فلسطینی قومی قیادت و علامتوں کو نشانہ بنانے کی پالیسی کے تسلسل کی عکاسی کرتا ہے۔

انتظامی حراست سے مراد فلسطینیوں کو بغیر کسی فرد جرم عائد کیے یا عدالت میں پیش کیے حراست میں رکھنا ہے جس میں زیر حراست افراد اور ان کے وکلا کو خفیہ فائلوں کے بہانے قابض حکام کی جانب سے پیش کیے جانے والے مبینہ شواہد تک رسائی سے محروم رکھا جاتا ہے جس کے باعث قیدی کو اپنی گرفتاری کے اسباب یا جیل میں گزارے جانے والے وقت کا علم نہیں ہو پاتا۔

اسیران کے اداروں کے اعداد و شمار کے مطابق قابض حکام نے 23 سے زائد جیلوں اور حراستی و تفتیشی مراکز میں تقریباً 9400 فلسطینی اسیران کو قید کر رکھا ہے جن میں 87 خواتین اسیران اور تقریباً 380 بچے شامل ہیں جبکہ ان کے علاوہ قریباً 3176 انتظامی قیدی بھی شامل ہیں۔

Click to comment

Leave a Reply

Your email address will not be published. Required fields are marked *

Copyright © 2018 PLF Pakistan. Designed & Maintained By: Creative Hub Pakistan