صیہونی حکومت سے مقابلہ کرنے کے لئےمسلمان متحدہو جائيں . اخوان المسلمیں اردن

اخوان المسلمیں اردن نے رسول اللہ صلی اللہ علیہ والہ وسلم کے اصحاب اور زوجات کی بے حرمتی کو حرام قراردینے کے رہبر انقلاب اسلامی کے فتوے کا خیرمقدم کیا ہے ۔ اخوان المسلمین اردن نے کہا ہے کہ یہ فتوی دشمنان اسلام کی سازشوں کو ناکام بنانے میں اہمیت رکھتا ہے۔
اخوان المسلمین اردن کے سربراہ نے مسلمانوں کے اتحاد کے لئے رہبر انقلاب اسلامی اور شیعہ مسلمانوں کی دینی قیادت کے فتووں پر عمل کرنے کی ضرورت پرتاکید اور امت اسلامی سے اپیل کی کہ عالم اسلام کے سب سے بڑے دشمن صیہونی حکومت سے مقابلہ کرنے کے لئے متحدہو جائيں ۔
یادرہے رہبر انقلاب اسلامی نے سعودی عرب کے الاحسا علاقے کے بعض علماء اور دانشوروں کے سوال کےجواب میں تاکید فرمائي ہےکہ اھل سنت کے مقدسات منجملہ رسول اللہ صلی اللہ علیہ وآلہ وسلم کی زوجات و اصحاب کی بے حرمتی حرام ہے۔ یادرہے شیخ الازھرسمیت دنیا میں اھل سنت کی بزرگ شخصیتوں نے رہبر انقلاب اسلامی کے اس فتوے کا بھرپور خیرمقدم کیا ہے۔