عربوں کی خاموشی سے اسرائیل کے حوصلے بلند ہوئے ہیں۔ حزب اللہ

حزب اللہ لبنان نے ایک بیانیہ میں مقبوضہ فلسطین میں اسرائیل کی طرف سے یہودی بستیوں کی تعمیر کی مذمت کرتے ہوئے کہا ہے کہ عرب ممالک کی خاموشی سے اسرائیل کے حوصلے بلند ہوئے ہیں جس کی وجہ سے اسرائیل عرب اوراسلامی سرزمین پر یہودی بستیوں کی تعمیر جاری رکھے ہوئےہے۔
حزب اللہ نے اپنے بیان میں کہا ہے کہ مقبوضہ فلسطین میں یہودی بستیوں کی تعمیر بین الاقوامی قوانین کی صریح خلاف ورزی ہے جس سے فلسطینی عوام کے حقوق پامال ہورہے ہیں حزب اللہ لبنان نےکہا کہ فلسطینی مسلمان آوارہ وطن ہیں اور فلسطینیوں کی سرزمین پر دیگر ممالک سے یہودیوں کو لاکر بسایا جارہا ہے حزب اللہ نے کہا کہ عرب سرزمین پر یہودی بستیوں کی تعمیر عرب ممالک کی خاموشی کا نتیجہ ہے اور عربوں کی خاموشی سے اسرائیل کے حوصلے بلند ہوئے ہیں اور وہ عرب سرزمین پر غیر ملکی یہودیوں کو آباد کرنے کے منصوبہ پر عمل کررہا ہے حزب اللہ نے کہا کہ اسرائیل کے اس اقدام کے سنگين اور تباہ کن نتائج برآمد ہونگے۔واضح رہے کہ اسرائیل نے 10 ماہ کے وقفہ کے بعد یہودی بستیوں کی تعمیر دوبارہ شروع کردی ہے۔