(مسلمانان پاکستان کل بروز جمعۃ المبارک 9اکتوبر عالمی استعمار امریکہ اور اسکی ناجائز اولاد اسرائیل کے خلاف یوم احتجاج منائیں اور ملک بھر میں نماز جمعہ کے بعد احتجاجی مظاہروں کا انعقاد کریں۔ ( ترجمان فلسطین فاؤنڈیشن پاکستان

مسلمانان پاکستان کل بروز جمعۃ المبارک 9اکتوبر عالمی استعمار امریکہ اور اسکی ناجائز اولاد اسرائیل کے خلاف یوم احتجاج منائیں اور ملک بھر میں نماز جمعہ کے بعد احتجاجی مظاہروں کا انعقاد کریں۔ ان خیالات کا اظہار فلسطین فاؤنڈیشن پاکستان کے ترجمان نے ایک ہنگامی اجلاس سے خطاب کرتے ہوئے کیا۔ انہوں نے کہا کہ عالمی القدس فاؤنڈیشن ( فلسطین و بیروت) کی اپیل پر امریکہ اور اسکی ناجائز اولاد اسرائیل کے خلاف بھر پور احتجاج کریں۔ کیونکہ اسرائیل نے مسجد اقصیٰ کے گرد سرنگیں کھودنی شروع کردی ہیں اور اس کے ساتھ ساتھ بیت المقدس میں یہودی آبادکاری کے عمل کو زیادہ تیز کردیا ہے جس کی ہم بھر پور مذمت کرتے ہیں ۔ انہوں نے کہا کہ عالم اسلام کو بیدار ہونا ہوگا اور صیہونی سازشوں کے خلاف متحد ہوکر اپنا ردّ عمل ظاہر کرنا ہوگا۔ انہوں نے کہا کہ مسلمانان پاکستان فلسطینی مسلمانوں کے ساتھ اظہار یکجہتی کرتے رہیں گے اور ہر سطح پر فلسطین کی سیاسی اور اخلاقی حمایت کو جاری رکھیں گے