مقبوضہ بیت المقدس – (مرکزاطلاعات فلسطین فاؤنڈیشن) فلسطین انفارمیشن سینٹر ’معطی‘ نے گذشتہ 48 گھنٹوں کے دوران مغربی کنارے میں 19 مزاحمتی کارروائیوں کو ریکارڈ مرتب کیا ہے، جو قابض صہیونی فوج اور یہودی آباد کاروں کی جانب سے فلسطینیوں پر جاری حملوں کے تناظر میں ہوئی ہیں۔
مرکز نے وضاحت کی کہ مزاحمتی کارروائیاں 12 مقامات پر قابض صہیونی فوج کے ساتھ جھڑپوں پر مشتمل تھیں جن میں پتھراؤ بھی شامل ہے، جبکہ 5 مقامات پر یہودی آباد کاروں کے حملوں کو پسپا کیا گیا، اس کے علاوہ دو مقامات پر پیٹرول بم (مولوٹوف) پھینکے گئے۔
مقبوضہ بیت المقدس کے قصبے عناتا میں قابض صہیونی فوج کے ساتھ جھڑپیں ہوئیں۔
رام اللہ میں قراوہ بنی زید، دیر جریر، دیر غسانہ اور بیت ریما کے قصبوں میں قابض صہیونی فوج کے ساتھ جھڑپیں ہوئیں، جبکہ قصبہ مغیر میں مقامی باشندوں نے یہودی آباد کاروں کے ایک حملے کو ناکام بنایا۔
نابلس میں الظہرہ کے مقام پر قابض صہیونی فوج کے ساتھ جھڑپیں ہوئیں جن میں یہودی آباد کاروں کے حملے کا مقابلہ بھی شامل تھا۔ اسی طرح قصبہ سبسطیہ میں جھڑپیں ہوئیں اور پیٹرول بم پھینکے گئے، جبکہ قریوت میں مقامی باشندوں نے یہودی آباد کاروں کے حملوں کو پسپا کیا۔
قلقیلیہ کے قصبے عزون میں قابض صہیونی فوج کے ساتھ جھڑپیں ہوئیں جن میں پیٹرول بم پھینکے گئے، اس کے ساتھ ساتھ مقامی باشندوں نے یہودی آباد کاروں کے حملے کو ناکام بنایا۔ جبکہ الخلیل گورنری کے قصبے بنی نعیم اور بیت لحم گورنری کے علاقے الکرامی میں بھی جھڑپیں ہوئیں جن میں یہودی آباد کاروں کے حملوں کو پسپا کیا گیا۔
گذشتہ عرصے کے دوران سبسطیہ اور عزون کے قصبوں میں جھڑپوں کے دوران پیٹرول بم پھینکنا نمایاں ترین مزاحمتی کارروائیوں میں شامل رہا، اس کے علاوہ قریوت، مغیر، الظہرہ اور الکرامی کے قصبوں میں نوجوانوں اور مقامی باشندوں کی جانب سے یہودی آباد کاروں کے حملوں کو پسپا کرنا بھی اہم مزاحمتی اقدامات رہے۔
