یہودی ربی کا مسجد اقصیٰ کو شہید کر کے ہیکل سلیمانی کی تعمیر کا مطالبہ

اسرائیل کے ایک سرکردہ یہودی ربی نے صہیونی حکومت سے مطالبہ کیا ہے وہ فوری طور پر بیت المقدس مسجد اقصیٰ کو شہید کر کے اس کی جگہ ہیکل سلیمانی کی تعمیر کا کام شروع کیا جائے. مرکز اطلاعات فلسطین ڈوف لیورنےایک کانفرنس میں تقریر کے دوران کہا کہ اسرائیلی حکومت مسجد اقصٰی کو شہید کرنے اوراس کی جگہ ہیکل سلیمانی کی تعمیر میں سستی کا مظاہرہ کر رہی ہے. ان کا کہنا تھا کہ موجودہ حالات سے بہتر ہیکل کی تعمیر کا کوئی اور بہتر اور مناسب موقع نہیں ہو سکتا.اسرائیل کوموقع سے فائدہ اٹھاتے ہوئے فوری طور پر مسجداقصی کی بنیادوں پر ہیکل کی تعمیر کا سنگ بنیاد رکھنا چاہیے. یہودی ربی نے بیت المقدس سمیت مغربی کنارے اور فلسطین کے تمام دیگرعلاقوں میں یہودی بستیوں کی تعمیر کی حمایت کی. یہودی ربی نے اسرائیل سمیت دنیا بھر کے یہودیوں سے مطالبہ کیا کہ وہ یہودی بستیوں کی تعمیر اور ہیکل سلیمانی کی تعمیر میں آگے آئیں اور صہیونی حکومت پر مسجد اقصیٰ کی فوری تعمیر شروع کرنے کے لیے دباٶ ڈالیں. خیال رہے کہ صہیونی ربی کی جانب سے یہ مطالبہ ایک ایسے وقت میں سامنے آیا ہے جب دوسری جانب اسرائیلی حکومت نے بیت المقدس اور مغربی کنارے میں یہودی بستیوں کی تعمیرکا کام تیز کر دیا ہے