کسی دہشت گرد کو غزہ کا امن تباہ کرنے کی اجازت نہیں دیں گے: حماس

اسلامی تحریک مزاحمت (حماس) نے کہا ہے کہ غزہ کا امن تباہ کرنے کی کسی کو اجازت نہیں دی جائے گی- خان یونس میں حماس کے ترجمان حماد رقب نے کہا ہے کہ کار بم دھماکہ کے مجرموں کو جلد ہی پکڑ لیا جائے گا۔ انہوں نے کہا کہ کوئی بھی شخص قانون سے نہیں بچ سکتا- شرپسند غزہ کا امن تباہ کر کے صہیونی مقاصد کی تکمیل چاہتے ہیں- واضح رہے کہ آج صبح خان یونس میں حماس کے ایک رہنما کی گاڑی کو دھماکہ خیز مواد سے اڑادیا گیا تھا- دھماکے میں دو بچے زخمی ہوگئے جبکہ متعدد عمارتیں تباہ ہوگئیں-