مرکزاطلاعات فلسطین فاؤنڈیشن
عبرانی اخبار معاریو میں شائع ہونے والے ایک تازہ رائے عامہ کے سروے میں ظاہر ہوا ہے کہ قابض اسرائیل کی موجودہ حکومتی اتحاد کی قیادت کرنے والے بنجمن نیتن یاھو کے مخالفین کی سیاسی قوت بدستور آگے ہے اور وہ 61 نشستیں حاصل کر سکتی ہے جب کہ حکومتی اتحاد صرف 49 نشستوں تک محدود رہے گا۔ عرب جماعتوں کے حصے میں 10 نشستیں آئیں گی۔
سروے کے مطابق اگر اس وقت کنیسٹ کے انتخابات کرائے جائیں تو نشستوں کی ممکنہ تقسیم کچھ یوں ہوگی:
لیکوڈ: 25 نشستیں، نفتالی بینٹ کی جماعت: 23، ڈیموکریٹک پارٹی: 11 ،ییش عتید: 9 ، یسرائیل بیتینو: 9، مگاڈی آیزنکوٹ کی جماعت: 9
عوتسما یہودیت: 9، شاس: 8 ، یہدوت ہتوراہ: 7، الجبهہ – العربیہ للتغییر: 5 اور القائمہ الموحدہ: 5 سیٹیں حاصل کرسکتی ہے۔
ایک اور حوالے سے سروے نے انکشاف کیا کہ قابض اسرائیلی معاشرے کی بڑی اکثریت دو ریاستی حل کی مخالفت کرتی ہے۔ 67 فیصد شرکاء کا کہنا ہے کہ وہ فلسطینی ریاست کے قیام کے خلاف ہیں۔ یہ رائے اس پس منظر میں سامنے آئی ہے کہ سلامتی کونسل نے حال ہی میں امریکہ کے ایک مسودۂ قرارداد کی منظوری دی ہے جس کا تعلق فلسطینی حقِ خودارادیت کے راستے سے ہے۔
سروے میں بتایا گیا کہ 47 فیصد افراد سعودی عرب کے ساتھ تعلقات کی بحالی کی مخالفت کرتے ہیں اگر اس کے بدلے اسے ایف 35 طیارے فروخت کیے جائیں، جب کہ صرف 24 فیصد نے اس شرط پر تعلقات کی بحالی کی حمایت کی۔
ذاتی سکیورٹی کے احساس کے بارے میں 34 فیصد کا کہنا تھا کہ ان کی سکیورٹی گذشتہ عرصے میں مزید خراب ہوئی ہے۔ 16 فیصد نے بہتر ہونے کا دعویٰ کیا اور 42 فیصد کا کہنا تھا کہ ان کے احساسِ سکیورٹی میں کسی قسم کی تبدیلی نہیں آئی۔
