اسرائیلی وزیر اعظم بن یامین نیتن یاہو نے اسرائیلی فوج کو غزہ میں فوری اور شدید حملے کرنے کا حکم دیا تھا۔
نیتن یاہو کے حکم کے چند گھنٹے بعد ہی اسرائیلی طیاروں نے غزہ شہر پر فضائی حملے شروع کر دیے۔ عرب اور بین الاقوامی میڈیا کے مطابق اسرائیلی فوج نے غزہ کے مختلف علاقوں میں بمباری کی، جن میں شمالی غزہ کا اسپتال بھی شامل ہے۔ ایک میزائل الشفاء اسپتال کے پیچھے گرا، جس سے اسپتال کے اندر مریضوں اور طبی عملے میں شدید خوف و ہراس پھیل گیا۔
عینی شاہدین کے مطابق حملے انتہائی شدید اور خوفناک نوعیت کے تھے، جب کہ توپ خانے اور ٹینکوں سے بھی گولہ باری کی گئی۔
