مصری وفد پارٹی کے سربراہ کا اسرائیل سے امن معاہدہ توڑنے کا عندیہ

مصر کی وفد پارٹی کے سربراہ ڈاکٹر سید بدوی نے کہا ہے کہ وہ عنقریب مصر کے صدر بن کر مصر اور اسرائیل کے مابین سیکورٹی معاہدہ ختم کر دیں گے۔ ان کا یہ بیان ملک کی سب سے بڑی لیبر پارٹی کے سربراہ کی جانب سے پہلی مرتبہ دیے گئے بیان کے فریم ورک میں دیا گیا ہے۔ بدوی نے میڈیا پرسن یسری فودہ کے ساتھ پروگرام ’’آخری بات‘‘ میں جولائی کے انقلاب کے متعلق بات چیت کرتے ہوئے کہا ہے کہ وہ 1967ء کی جنگ میں اسرائیل کے قبضہ میں مصر کے صحرائے سینا کے تمام علاقے واپس لینے کے باوجود اسرائیل کے ساتھ امن معاہدہ توڑ دیں گے۔ انہوں نے کہا کہ جب سے ہم نے 1979ء میں معاہدے پر دستخط کیے کئی اطلاعات سے ہمیں مصر اور علاقے کے دیگر ممالک کے بارے میں اسرائیل کی بری نیت سے آگاہی حاصل ہوئی ہے۔ یہی وجہ ہے کہ اسرائیل کی تمام مقبوضہ علاقوں کی واپسی، شام کی مقبوضہ گولان کی پہاڑیوں کی واپسی اور لبنان کی سرزمین سے اسرائیل کے مکمل انخلا تک اسرائیل اور مصر کے مابین طبعی طور پر مستقل تعلقات استوار رہنا ناممکن ہیں۔