اسلام آباد (مرکزاطلاعات فلسطین فاؤنڈیشن) پاکستان نے لبنان کے خلاف جاری اسرائیلی جارحیت کی شدید الفاظ میں مذمت کرتے ہوئے اسے انسانی جانوں کے ضیاع اور بنیادی ڈھانچے کی وسیع تباہی کا سبب قرار دیا ہے۔
دفتر خارجہ کی جانب سے جاری بیان میں کہا گیا ہے کہ اسرائیلی اقدامات خطے میں امن و استحکام کے قیام کی عالمی کوششوں کو نقصان پہنچا رہے ہیں اور یہ بین الاقوامی قوانین اور بنیادی انسانی اصولوں کی کھلی خلاف ورزی ہیں۔
پاکستان نے عالمی برادری سے مطالبہ کیا ہے کہ وہ فوری اور مؤثر اقدامات اٹھاتے ہوئے لبنان کے خلاف اسرائیلی جارحیت کا خاتمہ یقینی بنائے۔
بیان میں مزید کہا گیا ہے کہ پاکستان اس مشکل گھڑی میں لبنان کی حکومت اور عوام کے ساتھ مکمل یکجہتی کا اظہار کرتا ہے اور لبنان کی خودمختاری، علاقائی سالمیت، امن اور استحکام کی بھرپور حمایت جاری رکھے گا۔
