قاھرہ ائیر پورٹ پر 34 فلسطینی دو ہفتوں سے محبوس، بھوک ہڑتال کا اعلان

مصری دارالخلافہ قاھرہ کے انٹرنیشنل ائیر پورٹ پر روکے گئے متعدد فلسطینیوں نے بھوک ہڑتال کا اعلان کر دیا ہے۔ فلسطینیوں کا کہنا ہے کہ انہیں وطن واپس جانے سے روک لیا گیا ہے جس سے وہ سخت پریشان ہیں اور ان کی معاشی حالت ابتر ہوچکی ہے۔ مصری انتظامیہ نے 35 فلسطینیوں کو دو ہفتے سے قاھرہ ائیر پورٹ پر روک رکھا ہے مصری حکام نے انہیں غزہ جانے کی اجازت دینے سے انکار کردیا ہے۔ قاھرہ فلسطینی سفارت خانے کے ساتھ کوئی تعاون نہیں کیا۔ ائیر پورٹ پر محبوس فلسطینی مسافروں کے نمائندے عمر صیام نے ائیر پورٹ پر نیوز ایجنسی ’’ قدس پریس‘‘ کو بتایا کہ انہوں نے اتوار کے روز سے بھوک ہڑتال شروع کردی ہے جس میں تمام ممالک کے روکے گئے لوگ شرکت کر رہے ہیں۔ صیام نے قاھرہ میں فلسطینی اتھارٹی کے سفیر کو بھی ہدف تنقید بنایا اور انہیں جھوٹا قرار دیا۔ انہوں نے کہا کہ فلسطینی سفیر کے سارے اقدامات میڈیا کو دکھانے کے لیے ہیں۔ ان کے بہ قول ’’فلسطینی سفیر الفرا صرف ایک مرتبہ ان کو دیکھنے ائیرپورٹ آئے اور ہمارے لیے کچھ کرنے کا وعدہ کر کے چلے گئے انہوں نے ہم سے صریح جھوٹ بولا ہے‘‘ انہوں نے کہا کہ وہ ہم نے الفرا کو ٹیلی فون پر فلسطینی اتھارٹی کے گرفتار کیے گئے ایک سفارتی اہلکار کو رہا کرکے فوری العریش ائیر پورٹ سے فلسطین بھیجنے کی بات کرتے ہوئے دیکھا ہے وہ فون پر کہ رہے تھے کہ وہ ہمارے بیٹے ہیں۔ ان کا مزید کہنا ہے کہ الفرا اور مصری اتنظامیہ کے مابین روابط موجود ہیں اور ان کے اتنے تعلقات ہیں کہ وہ کسی بندے کو العریش ائیر پورٹ کے ذریعے واپس فلسطین بھجوا دیں۔ انہوں نے ائیر پورٹ پر اپنی مشکلات بتاتے ہوئے کہا کہ ہمیں یہاں پر انتہائی چھوٹا کمرا دیا ہے ہمیں یہاں کچھ کرنے کی اجازت نہیں ہے۔ عمر صیام نے بتایا کہ ائیر پورٹ پر پھنسے فلسطینیوں میں عمر رسیدہ لوگ بھی ہیں۔ ان میں ایک 77 سالہ بزرگ مصلح شاعر بھی ہیں جن کی صحت انتہائی خراب ہوچکی ہے۔ انہوں نے مطالبہ کیا کہ تمام فلسطینیوں کو ائیر پورٹ کی اس قید سے نجات دلا کر فلسطین جانے کی اجازت کا مطالبہ کیا۔