فلسطینی محبوس خاتون میروت صبری کی عباس جیل سے رہائی کیلئے ہر ممکنہ اقدام اٹھایا جائیگا

جمعرات سے فلسطینی خاتون میروت صبری کے دفاع اور رہائی کیلئے ایک بھر پور قومی مہم کا غاز کیا گیا ہے. جسے دو مہینے سے زائد عرصہ پہلے عباس ملیشیا نے گرفتار کیا تھا اور تب سے اسے مسلسل ذہنی و جسمانی تشدد کا نشانہ بنایا جا رہا ہے- مہم کے منتظمین کی طرف سے جاری اخباری بیان میں کہا گیا ہے کہ صبری شمالی مغربی کنارے کے قلقلعہ شہر کی ایک معزز پردہ نشین خاتون ہیں اور انہیں بغیر کسی وجہ کے عباس ملیشیا نے گرفتار کیا ہے- بیان میں دعوی کیا گیا ہے کہ عباس ملیشیا نے ڈھیٹ بے شرمی کا مظاہرہ کرکے گرفتاری کے وقت اس کی عبایا اورسکارف پھاڑ ڈالا ، اسے بڑی بے رحمی سے شدید جسمانی تشدد کا نشانہ بنایا اور اس کے شوہر کو بھی اسی کے ساتھ گرفتار کیا – قومی مہم کے منتظمین نے عالمی برادری سے اپیل کی ہے کہ وہ اس پاکباز فلسطینی خاتون کو عباس انتظامیہ کے جیلوں سے رہائی دلوانے میں اپنا کردار ادا کریں- مہم کے منتظمین نے اس عزم کا اظہار کیا ہے کہ وہ آنیوالے دنوں میں صبری کی رہائی کیلئے، اپنی مہم اور تیز کریں گے-